A forGA (Fundación para a Orientación Profesional, a Investigación e o Desenvolvemento Tecnolóxico, o Emprego e a Formación en Galiza) e a Secretaría Confederal de Formación da CIG (Confederación Intersindical Galega) organizaron en Vigo, o día 21 de outubro de 2011, a 1ª Xornada de formación para o emprego, cunha grande asistenza de público.

A forGA participou activamente nestas xornadas ofrecendo información e asesoramento a través do seu stand, ademais de asistir como entidade impartidora ás conferencias organizadas para a difusión de información relacionada coa formación para o emprego.

A mobilidade dos traballadores e traballadoras transfronteirizos de Galicia a Portugal e viceversa pasou de ser unha realidade ilegal e agachada a avanzar na perspectiva de converterse nunha legalidade normalizada e visíbel, na que emerxen necesidades compartidas, entre as que a formación e a orientación xurden como estratexias de primeiro orde para a normalización da mobilidade no emprego.

Estas xornadas estiveron enmarcadas no Proxecto de Inserción Sociolaboral Auria Inserta, cofinanciado polo Concello de Ourense e o Fondo Social Europeo, por medio do Ministerio de Política Territorial e Administración Pública. O obxectivo fundamental foi dar a coñecer o sistema de formación actual e o procedemento para a obtención dos certificados de profesionalidade.

Con carácter previo a formular a posición que, como organización sindical, se nos require polos promotores/as da 1ª Xornada de Formación para o Emprego de Galiza, procede delimitarmos e definirmos a contorna na que a formación e o emprego se han concretar e reproducir, así como as súas perspectivas económicas e sociais.

O tema das relacións entre educación/formación e o mundo do emprego/traballo é, sen dúbida, un argumento de actualidade. O ven sendo desde fai algún tempo e o será probablemente aínda a máis longo prazo. Un mellor coñecemento das relacións entre a formación e o mundo laboral e necesario se se quere facer realidade os obxectivos que deseña este grande reto.