"Se lle aplicásemos a reforma laboral que vén de aprobar Rajoy, hoxe mesmo podíamos despedilo"

Pontón lembrou que renunciar ao dito concurso, pois Rajoy acaba de botalo abaixo co decreto de supresión de primas ás enerxías renovábeis, vaille costar a Galiza 14.000 empregos e 6.000 millóns de euros en investimentos. “Un decreto –engadiu- que se aprobou tan só dous días despois de que vostede e o conselleiro de Industira visitaran ao Ministro Soria, o que demostra a súa falta de peso político e capacidade para defender os intereses de Galiza”. Neste sentido, lamentou que mentres gobernaba Zapatero o goberno de Feijóo rexeitara frontalmente reducir as primas e instara ao PP a recoller no seu programa electoral esta postura e agora se amosan comprensivos e mesmo xustifiquen a medida adoptada por Rajoy, que vai ter consecuencias dramáticas para Galiza, advertiu.

A parlamentar denunciou que este País está atravesando a peor situación económica e social dos últimos 30 anos, cun rércord histórico de parados, con desigualdades sociais que avanzan a pasos axigantados, cun dos índices de Produción Industrial máis baixos do Estado e con milleiros de mozos que só teñen a precariedade ou a emigración como saída. “E fronte a esta situación –dixo- vostede só adoptou decisións que lle saen moi caras a este País, como o sistema de financiamento inxusto, a bancarización das caixas ou a supresión do concurso eólico anterior, un concurso perfectamente legal, que anulou irresponsabelmente e levou a un parón do sector”. Para a voceira parlamentar, que hoxe se estrenou neste labor na sesión de control ao Goberno, a “insolvencia” do Executivo de Feijóo está agravando a diíficil situación que vive o País, por iso urxiu do presidente da Xunta que deixe de fuxir das súas responsabilidades e se poña a traballar para sacar adiante Galiza. “Para iso lle pagan os galegos e galegas –continuou-, pense Señor Feijóo que se lle aplicaramos a reforma laboral que ven de aprobar Rajoy hoxe mesmo podiamos despedilo”.