No DOG do 14 de maio de 2012 veñen publicadas as bases para obter axudas para a obtención do permiso de conducir de clase B para menores de 30 anos, residentes na Galiza e en situación de desemprego, cunha antigüidade de, polo menos, seis meses. Ademais destes requisitos esíxese que posúa o carné xove e que os ingresos familiares non superen o IPREM, Indicador Público de Renda de Efectos Múltiples, en 2,5 veces. Isto supón uns máximos de 14.910,28 euros para as persoas emancipadas, de 16.556,98 euros para as familias de dous membros, e de 18.637,85 para as familias de tres ou máis membros.

Como xa reivindicaba Lois Peña Novo nos anos vinte do século pasado, precisamos institucións financeiras que garantan o reinvestimento do aforro no sistema produtivo galego e "non pode encomendarse esa función á banca privada, cuxo carácter mercantil ha de obrigarlle a pensar máis nos seus propios beneficios que no beneficio de Galiza".

Lourenzo Fernández Prieto e Dionísio Pereira participarán o sábado 12 de maio ás 16.00 horas no acto Homenaxem aos portugueses mortos pelo Franquismo durante a Guerra Civil Española. Intervendrán nunha mesa de debate xunto a outros profesores das universidades de Minho e Lisboa. No acto, que se celebrará en Monçao, tamén participará Mario Soares, ex presidente de Portugal entre 1986 y 1996.

O número de persoas que viven en situación de precariedade económica na comunidade galega ascende xa a 600.000, segundo datos dun recente estudio realizado pola European Anti Porverty Network (EAPN) España, que foi presentado por Cáritas este mércores en rolda de prensa en Santiago. Así mesmo, ao rededor de 100.000 persoas están afectadas pola pobreza severa en Galiza.

Os sindicatos maioritarios da comarca de Vigo, CIG, CCOO e UGT, convocan unha manifestación conxunta para reclamar aos Gobernos, español e galego, solucións á grave crise que está a soportar esta importante industria da economía galega.

Don Ramón Otero Pedraio, para loar o labor entusiasta da imprenta de Ánxel Casal e de María Miramontes, chamoulle a aquel obradoiro «pombeiro de voares de esperanza». Pombeiro de voares de esperanza! A frase era o tal, pois desde alí botaban a voar os libros que recollían o mellor do pensamento e da creación en galego. Aqueles non eran tempos doados, mais os azos dos homes e mulleres das Irmandades da Fala foron enchendo de luz as vilas e cidades de Galiza e conseguiron facer visible socialmente a lingua de nós.

A dereita autoritaria é antidemocrática, e prefire e ignorancia sobre cuestións como a memoria histórica. Non só porque tente evitar os temas conflitivos. Senón porque os beneficiarios do franquismo non queren que se recorde cando se forxou o seu poder. Así o afirmou onte o historiador Ramón López Facal na presentación do proxecto ‘Donde habita el recuerdo’ de Clemente Bernad: un documental e un libro de fotografías sobre os traballos de exhumación das fosas do franquismo.

As palabras non son inocentes. É o que teñen, que comunican. Por iso a utilización dunha ou doutra non é neutral. Sábeo ben Pedro Puy, voceiro parlamentario do PP, que nunha entrevista nesta fin de semana na cadea SER asegurou que “grazas á boa xestión” do goberno galego, “con Núñez Feijóo á frente”, na Galiza "non se pode prácticamente" falar de recortes "senon de simplemente pequenos axustes" para cumprir cos obxectivos de déficit.

A Xunta xa dispón dun mapa coas zonas propostas pola patronal española do papel, Aspapel, para proceder coas fumigacións aéreas das plantacións de eucalipto que na Galiza están afectadas polo gorgullo. Son en total 69 áreas de 8 quilómetros de diámetro cada unha, distribuídas en terras da Coruña --40 localizacións--, Pontevedra --28 localizacións-- e Lugo --1 localización-- e responden ás masas máis extensas e con maior afectación da praga.

Os Reais Decretos Lei 4/2012 e 7/2012 presentáronse ante a opinión pública como un plano ambicioso para permitir que PEMES e moitas persoas de traballo autónomo poidan cobrar rapidamente os cartos que lle deben as Administracións Públicas, particularmente as Entidades Locais. Sen embargo, o ministro Montoro, na súa intervención ante o Congreso, xustificaba tais decretos na necesidade de sanear ao sector bancario e de evitar que os provedores de servizos, que en moitos casos son empresas multinacionais, promovan a imaxe negativa dunha España morosa. A finalidade destas medidas, segundo a portavoz do Goberno, non é outra que evitar despedimentos nas empresas acredoras das administracións públicas.

A Comisión pola Recuperación da Memoria Histórica (CRMH) de A Coruña acusou á Xunta de estar "ao servizo" da familia Franco por dedicar "23.000 euros a pagar a seguridade no Pazo de Meirás" e por non abrir en agosto, sinala nun comunicado. A CRMH afirma que, en contestación a unha queixa remitida ao Valedor do Pobo polo peche do Pazo de Meirás no mes de agosto, se lles remitiu, como contestación, un informe da Dirección Xeral de Patrimonio Cultural de la Xunta no que se alude ao convenio asinado coa familia Franco.

O Banco Mundial recoñeceu a necesidade de lograr crecemento económico antes de aplicar reformas estruturais en Europa e Estados Unidos, como vía para saír da crise. O presidente dese organismo multilateral, Robert Zoellick, asegurou que para o éxito dos cambios que demanda o sistema financeiro e reducir as débedas públicas, ambas as dúas accións deben ir da man do aumento do produto interno bruto dos países europeos e de EUA

A Rede de Dereitos Sociais e Galiza Non Se Vende publican o mapa crítico de Galiza 2012, un traballo colaborativo de denuncia e oposición á destrución do territorio que a través dunha completa infografía, amosa os lugares afectados por contaminación, encoros, parques eólicos, especulación urbanística, piscifactorías, asentamentos precarios, monocultivos ou transxénicos. O gráfico contén abondosa información sobre a localización e impacto destas ameazas, así como links a documentos de análise, dispoñibles na rede e realizados por distintos colectivos.

A CIG advertiu que lonxe de favorecer a creación de emprego, a reforma laboral provocaría un aumento do paro. Alertou da necesidade de incrementar o investimento público para dinamizar a economía e favorecer así a creación de emprego e denunciou que todas as políticas económicas que se estaban a impor desde o goberno do estado provocarían unha contracción económica de graves consecuencias. Hoxe o estado español está en recesión, o desemprego é alarmante e a submisión do goberno da Xunta a esta políticas está a provocar que en Galiza o paro medre por riba da media estatal. O máis grave é que os orzamentos presentados polo goberno de Mariano Rajoy van empeorar aínda máis esta situación.